LOOK: Mariel shares photo of baby Isabella

Bilang regalo sa kaarawan ng kaniyang mister na si Robin Padilla ngayong Miyerkules, nag-post sa Instagram si Mariel Rodriguez ng unang larawan 🔺🔺 ng kanilang anak na si Maria Isabelle na makikita na ang mukha.

Dahil sa hindi pa nakukuha ang iginawad na absolute pardon ni Pangulong Rodrigo Duterte, hindi nakabiyahe at hindi nasamahan ni Robin sa Amerika si Mariel nang isilang ng aktres ang kanilang anak noong Nov. 14.

Kamakailan lang, nag-post si Mariel ng larawan 🔺🔺 ni baby Isabelle pero kamay at bahagi lamang ng mukha ng bata ang makikita.

Kasunod naman ng pagkakatanggap ng absolute pardon, sinabi ni Robin na ang pagkuha ng US visa ang isa sa mga una niyang gagawin upang masamahan si Mariel sa Amerika upang maalagaan ang kaniyang mag-ina.